हवामान विभागाने नाशिक जिल्ह्यासाठी अतिवृष्टीचा इशारा दिल्यानंतर प्रशासन सतर्क झाले आहे. विद्यार्थ्यांच्या सुरक्षेच्या दृष्टीने नाशिक महानगरपालिका क्षेत्रातील शाळा व महाविद्यालयांना सुटी जाहीर करण्यात आली असून नागरिकांना सुरक्षित राहण्याचे आवाहन करण्यात आले आहे.
नाशिक शहरात मंगळवारी झालेल्या मान्सूनपूर्व जोरदार पावसामुळे नागरिकांना तीव्र उष्णतेपासून दिलासा मिळाला. मात्र, विविध विकासकामांमुळे खोदलेल्या रस्त्यांवर पाणी साचल्याने आणि चिखल निर्माण झाल्याने वाहतुकीसह नागरिकांना अडचणींचा सामना करावा लागला.
