नाशिक शहरातील उपलब्ध पाणीसाठा झपाट्याने कमी होत असल्याने महापालिकेने जून आणि जुलै महिन्यात आठवड्यातून एक दिवस पाणीकपात करण्याचा निर्णय घेतला आहे. एल-निनोचा प्रभाव कायम राहिल्यास ऑगस्टमध्ये दोन दिवसाआड पाणीपुरवठा करण्याचा निर्णय घेतला जाऊ शकतो.
मार्चच्या सुरुवातीपासून वाढलेल्या उष्णतेमुळे जिल्ह्यातील ग्रामीण भागात पाणीटंचाईची समस्या निर्माण होण्याची शक्यता वाढली आहे. यासाठी विविध तालुक्यांतून टँकर सुरू करण्याचे प्रस्ताव प्रशासनाकडे सादर करण्यात आले आहेत.
